ART ATTACK programari kritika
Hasteko programa hau oso erakargarria dela esan behar dut. Duen erritmoa, materiala, musika eta aurkezlearen ahotsek haurren arreta zuzenean bereganatzen dutelako.
Honekin batera, jarduerak egiteko beharrezkoak diren pausuak oso ongi daude markatuta eta azalduta, honek ariketa hobeto ulertzea bideratzen dularik.
Hala ere, ez dut uste haurrek egiteko ariketa aproposak direnik, nahiko konplexuak baitira. Honez gain, maiz, aurkezleak haurrek jarduerak helduekin batera egin behar dituzten esaten duen arren, helduentzako zailak ere direlakoan nago.
Gainera, jarduerak ondo egin nahi badira, gaitasun plastikoa oso garatua behar dela ez da kontuan hartzen, hau da, artista batek bakarrik egin ditzaketen gauzak azaltzen dira askotan.
Hala ere, telebistan mota honetako programa gehiago egotea gustatuko litzaidake. Benetan, didaktikoak direlako eta gauza interesgarriak dituelako aldi berean. Oso dibertigarriak dira "Manitas" pertsonaiak egiten dituen perspektiba lanak, "Cabezon" pertsonaiak egiten dituen pasusuen laburpenak... adibidez.
Beraz, telebistan horrelako programa didaktikoak egotearen aldekoa naizen arren, nire aburuz, konplexutasun maila baxuagokoak izan beharko lirateke.
Laburbilduz, haurrak benetako protagonistak bihurtzeko, euren mailara egokitu behar gara. Eta ez ordea, alderantziz.
No hay comentarios:
Publicar un comentario